All for Joomla All for Webmasters
Breaking News
Home / ओनलाईन पत्रिका / महिनाबारी भएकीलाई हिरासतमा लुगा फेर्न नदिए पछि

महिनाबारी भएकीलाई हिरासतमा लुगा फेर्न नदिए पछि

हुलाकी न्यूज, चन्द्रगढी(झापा) । शुक्रबार राती साढे आठ बजे कौशिला देवी महतोलाई प्रहरीले गौरीगंजको कृपाल चौकबाट पक्राउ गर्यो । गौरीगंज हुक्का गाछी वडा नम्बर पाँच घर भएकी महतोलाई पक्राउ पुर्जी नदिइ चौकमा बसी रहेको अवस्थामा प्रहरीले पक्राउ गरेको थियो ।

शुक्रबार साँझ पक्राउ गरेपनि प्रहरीले महतोलाई शनिबार पक्राउ गरिएको बताउँछन् ।

शुक्रबार राती र शनिबार राती महतोलाई गौरीगंज प्रहरी चौकीमा राखिएको थियो । गौरीजंग चौकीमा राखिएको अवस्थामा महतोलाई कसैसँग भेट्न दिइएन । न त लुगा नै फेर्न दिइयो ।

महतोकी छोरीले हुलाकी न्यूजसँग कुराकानी गर्दै भनिन्,‘शुक्रबार साँझ पक्राउ भएकी आमालाई आइतबार दिउँसोसम्म कसैसँग भेट्न दिइएन । आमा महिनाबारी हुनुहुन्थ्यो । उहाँले लुगा फेर्न माग्दा पनि प्रहरीले दिएन । सोमबार मात्रै हामीले कपडा दिएका छौं । विखण्डनकारी, आतंककारी भनेर दुबै रात प्रहरीले हिरासतभित्र यातना दिएको छ ।’

आइतबार दिउँसो जिल्ला प्रशासनमा हाजिर गराएपछि महतोलाई जिल्ला प्रहरी कार्यालय चन्द्रगढी प्रहरीमा राखिएको छ ।

जिल्ला प्रहरी कार्यालय झापाका डिएसपी हरिप्रसाद शर्माले हुलाकी न्यूजसँग भने,‘कौशिला देवीमाथि सार्वजनिक अपराधको मुद्दा लगाइएको छ । जिल्ला प्रशासनले म्याद एक साताको म्याद थप गरेपछि हिरासतमा राखेका छौं । उनलाई कुनै यातना दिइएको छैन ।’

प्रहरीका अनुसार महतो स्वतन्त्र मधेश गठबन्धन झापाकी संयोजक हुन् । विगत केही दिनदेखि महतोले स्थानीय निकायको निर्वाचनमा मतपत्रको कोठा बाहिर मतदान गर्न विभिन्न गाउँ तथा टोलहरुमा प्रचार गर्दै आएकी थिइन् । महतोले विभिन्न ठाउँमा सर्वसाधारणलाई जम्मा पारी निर्वाचनको सक्रिय बहिस्कार गर्न आग्रह गर्दै पर्चाहरु बाँड्दै आएकी थिइन् ।

डीएसपी शर्माका अनुसार महतो चुनाव विरोध अभियानमा लागेकोले उनलाई पक्राउ गरिएको हो । महतोको साथबाट डा.सीके राउतको पर्चा, पम्प्लेटहरु फेला परेको छ ।

यता महतोको परिवारजनले हिरासतभित्र यातना दिइएको भन्दै मावन अधिकारवादीहरुसँग सहयोग माग गरेकी छन् । महतोकी सहकर्मी दशरथ मुखियाले प्रहरीले म्याद थपबारे जानकारी नदिएको बताउँदै कुनै पक्राउ पुर्जी अथवा कागजात नदिएको बताए ।

About Newsjanakpur

Check Also

यातायात कम्पनी संस्था ऐनअनुसार दर्ता नगर्न गृह मन्त्रालयलाई निर्देशन

काठमाडौँ, ५ भदौ । व्यवस्थापिका–संसद्, विकास समितिले यातायात …

Leave a Reply

Your email address will not be published. Required fields are marked *